16 oct. 08
Manje Ranvwa*
Gade jan la Mize
Ap mache chelbe
Nan mitan la ri
Peyi d'Ayiti
Lespri'm voyaje nan ciel
Le li tande Gran Mapou rele'l
Pou li sispann kenbe diyite'l
Nan yon Djakout Touman tankou
Restakvek yo mare anba grangou
Le'm tande tanbou
rasanble nan mitan lakou
Mwen ouvri de je'm
Pou dlo neye kolè'm
Pou lespwa chita andan kè'm
Mwen ouvri de je'm
Pou tout moun mete men'l
Pou nou wouze move zèb
Kap toufe fraternite ki te fèt
Sou Bwa Kayiman
Mwen ouvri de je'm
Pou chen sispann danse devan lajan
Pou AYITI "remare kap la"
Pou yon Avni Miyo
Auteur: Nfally Diatta
Photo: Frédéric Dupoux
Manje Ranvwa*: Sacrifice destiné à repousser les assauts d'un mystère cruel
